Չավին նշանակվեց «Բարսելոնայի» գլխավոր մարզիչ

Քաթարի «Ալ Սադից» հեռացած Չավին նշանակվեց «Բարսելոնայի» գլխավոր մարզիչ, հաղորդում է կատալոնական ակումբի մամուլի ծառայությունը։ Պայմանագիրը նախատեսված է մինչեւ 2024թ․ հունիս։

41-ամյա մասնագետն «Ալ Սադը» գլխավորում էր 2019 թվականից եւ նվաճել է 7 տիտղոս։

Չավին Բարսելոնա կվերադառնա հանգստյան օրերին, իսկ նրա շնորհանդեսը «Բարսելոնայի» գլխավոր մարզիչի պաշտոնում կլինի երկուշաբթի։ Չավիի նորամուտը տեղի կունենա նոյեմբերի 20-ին Բարսելոնայի «Էսպանյոլի» հետ Իսպանիայի առաջնության 14-րդ տուրի տնային խաղում։

«Բարսելոնան» հոկտեմբերի 28-ին գլխավոր մարզիչի պաշտոնից հեռացրել է հոլանդացի Ռոնալդ Կումանին։ Պաշտոնակատար է նշանակվել ակումբի երկրորդ թիմի գլխավոր մարզիչ Սերժի Բարժուանը։

1998-2015 թվականներին «Բարսելոնայի» գլխավոր թիմի հետ Չավին անցկացրել է 767 հանդիպում (հետ է միայն Մեսիից՝ 778) նվաճել է 25 տիտղոս։

Իսպանիայի առաջնություն․ 8 (1998/99, 2004/05, 2005/06, 2008/09, 2009/10, 2010/11, 2012/13, 2014/15)

Չեմպիոնների լիգա․ 4 (2005/06, 2008/09, 2010/11, 2014/15)

Իսպանիայի Գավաթ․ 3 (2008/09, 2011/12, 2014/15)

Աշխարհի ակումբային առաջնություն․ 2 (2009/10, 2011/12)

Եվրոպայի Սուպերգավաթ 2 (2009/10, 2011/12)

Իսպանիայի Սուպերգավաթ․ 6 (2005/06, 2006/07, 2009/10, 2010/11, 2011/12, 2013/14)