Ռուսաստանում գրանցվել է կորոնավիրուսով վարակման 40 251 դեպք. սա նոր առավելագույն է

Ռուսաստանում կորոնավիրուսով վարակման հաստատված դեպքերի թիվն ավելացել է 40251-ով, ինչը նոր առավելագույն է համավարակի սկզբից ի վեր, վկայում են նոր վարակի դեմ պայքարի դաշնային օպերատիվ շտաբի՝ շաբաթ օրը հրապարակված տվյալները, փոխանցում է «ՌԻԱ Նովոստի»-ն:

Հարաբերական առումով դեպքերի աճը կազմել է 0.48 տոկոս։ Համավարակի սկզբից, ըստ շտաբի տվյալների, վարակվել է 8 472 797 մարդ։

Կորոնավիրուսից ապաքինված ռուսաստանցիների թիվն ավելացել է 28 909-ով, ապաքինվել է ընդհանուր 7 331 424 մարդ։

Դուրս գրված հիվանդների մասնաբաժինը, ըստ շտաբի, մնացել է վարակվածների ընդհանուր թվի 86.5 տոկոսի մակարդակում:
Կորոնավիրուսից մահացությունների թիվը մեկ օրում աճել է 1160-ով՝ նախորդ օրվա 1163-ի դիմաց՝ հասնելով 237380-ի։

Հիվանդության պայմանական մահացությունը (վերջնականը կարելի է որոշել միայն համավարակի ավարտից հետո) մնացել է 2.8 սահմաններում։