ԱՄՆ-ում 520 միլիոն դոլարով հսկայական աշտարակ կկառուցի էներգիայի պահեստավորման համար

Energy Vault-ը` Evx-ի գրավիտացիոն էներգիայի պահեստավորման աշտարակի մշակողը, 520 միլիոն դոլարի գործարք է կնքել DG Fuels-ի հետ՝ ԱՄՆ-ում վերականգնվող ջրածնի եւ այլ վառելիքի այլ տեսակների արտադրության համար արեւային էներգիայի միջոցով 1.6 ԳՎտժ պահեստավորված էներգիայի արտադրության համար, հայտնում է Business Wire-ը:

Աշտարակը արեւային էներգիա կստանա ֆոտոգալվանային վահանակներից, իսկ գրավիտացիոն էներգիայի պահեստը կօգտագործվի վերականգնվող ջրածնի, կենսագենիկ, սինթետիկ, ավիացիոն եւ դիզելային վառելիքի արտադրության մեջ օրական սպառվող էլեկտրաէներգիայի մակարդակի հարթեցման համար: Մասնավորապես, աշտարակի էներգիան նախատեսվում է օգտագործել ջրի էլեկտրոլիզի համար ջրածնի եւ թթվածնի արտադրության մեջ։ Ենթադրվում է, որ Energy Vault-ը միանգամից երեք ծրագիր կիրականացնի։ Լուիզիանայում 500 ՄՎտ/ժ հզորությամբ առաջին պահեստային աշտարակի կառուցման ավարտը սպասվում է 2022 թվականի կեսերին: Լրացուցիչ նախագծեր են նախատեսվում նաեւ Բրիտանական Կոլումբիայում եւ Օհայոյում։

Energy Vault-ի դիզայնը վեց ամբարձիչներով աշտարակ է ներառում, որոնք նման են շինարարականներին եւ արեւային էներգիայով աշխատող էլեկտրական շարժիչներով կոմպոզիտային բլոկներ են բարձրացնում: Բարձրացված բլոկները կուտակում են պոտենցիալ էներգիան, որը կարող է օգտագործվել դրանց հետագա իջեցման ժամանակ։ Աշտարակը կառավարվում է համակարգչային համակարգերով, որոնք օպտիմալացնում են լիցքավորման եւ լիցքաթափման ցիկլերը: Ընկերության տվյալներով՝ էներգիայի պահպանման տեւողությունը լինել 2-ից 12 ժամ լինել կամ կարող է լինել անսահմանափակ։ Աշտարակի արդյունավետությունը երկու ցիկլերի ընթացքում կազմում է 85 տոկոս, իսկ աշտարակների տեխնիկական սպասարկման ժամկետը գերազանցում է 35 տարին։ Կոմպոզիտային բլոկները կարելի է չափազանց էժան պատրաստել՝ շինհրապարակից փորված հողից, հանքավայրերի թափոններից, ածխի մոխրից կամ նույնիսկ շահագործումից հանված հողմատուրբիններից հանված ապակեպլաստից: