Հայտնի է՝ որքան աշխատավարձ է պահանջում Սալահը Լիվերպուլից

«Լիվերպուլի» 29-ամյա հարձակվող Մոհամեդ Սալահը ցանկանում է ավելի քան կրկնապատիկ աշխատավարձ ստանալ մերսիսայդյան ակումբում, հայտնում է Football Insider-ը:

Այժմ ֆուտբոլիստը շաբաթական 260 հազար եվրո է վաստակում, իսկ ըստ աղբյուրի, նա ղեկավարությունից պահանջում է 600 հազար եվրո։

Սալահի և ակումբի միջև գործող պայմանագիրը նախատեսված է մինչև 2023 թվականի ամառ, իսկ ֆուտբոլիստի տրանսֆերային արժեքը գնահատվում է 100 միլիոն եվրո։

Ընթացիկ մրցաշրջանի շրջանակում եգիպտացին անցկացրել է 12 հանդիպում, խփել է 15 գոլ և կատարել 5 արդյունավետ փոխանցում։