Բենքսիի վնասված կտավը վաճառվել է ռեկորդային գնով

Բրիտանացի անանուն նկարիչ Բենքսիի «Սերը աղբամանում» կտավը հոկտեմբերի 14-ին աճուրդում վաճառվել է 25,4 մլն դոլարով։ Այդ մասին են վկայում Sotheby’s աճուրդի տան առցանց աճուրդների արդյունքները:

Կիսավնասված կտավի համար վճարված գումարը 18 անգամ ավելի է, քան դրա դիմաց վճարած նախկին սեփականատիրոջ գումարը (1,36 մլն), և դա ռեկորդային է Բենքսիի աշխատանքների համար:

Մինչ այդ, նկարչի ամենաթանկ նկարը բժիշկների թեմայով աշխատանքն էր և կորոնավիրուսի դեմ պայքարը: Նրա նվիրած նկարը անգլիական հիվանդանոցին վաճառվել է այս տարվա մարտին 23,17 մլն դոլարով:

«Սերը աղբամանում» նախկինում կտավ էր, որը կոչվում էր «Փուչիկով աղջիկը»: 2018-ի հոկտեմբերին, աճուրդից անմիջապես հետո, նկարը սկսել է ինքնաոչնչացվել․ նկարի շրջանակի ներքևում նկարչի կողմից թաքցրած դանակները կտրտել են այն բարակ ժապավենների: Բայց քանի որ ինչ-որ պահի այդ սարքը կոտրվել է, նկարի վերևի մասը չի վնասվել:

Միջադեպից հետո նոր սեփականատերը կտավը պահել է իր համար՝ փոխելով միայն անունը: