Առաջին անգամ. Ադելը պատմել է իր սիրեցյալի մասին

33-ամյա երգչուհին հինգ տարվա մեջ առաջին անգամ մեծ հարցազրույց է տվել։ Աստղը պատմել է իր նոր բոյֆրենդի մասին, որի հետ նրանք արդեն մի քանի ամիս է միասին են։ Այս մասին փոխանցում է People Talk-ը։

Վերջերս Ադելը հաստատել էր մարզական գործակալ Ռիչ Պոլի հետ նոր հարաբերությունները՝ իր Instagram-ում հրապարակելով իրենց համատեղ լուսանկարը։ Առաջին անգամ երգչուհու եւ գործարարի սիրավեպի մասին խոսեցին հուլիսի սկզբին, երբ զույգը միասին հայտնվեց NBA-ի եզրափակչի ժամանակ: Սակայն Vogue-ին տված հարցազրույցում աստղն ասել է, որ «իր մասին պատմությունների 99,9% - ը հորինվել է»:

Ադելը խոստովանել է, որ նոր սիրեցյալի հետ իրեն հանգիստ է զգում։ «Ես նյարդայնություն կամ տանջանք չեմ զգում։ Ընդհակառակը։ Ես 33-ամյա ամուսնալուծված մայր եմ, ով ունի չափահաս որդի։ Ես գիտեմ, թե ինչ եմ ուզում։ Եվ ես իսկապես գիտեմ, թե ինչ չեմ ուզում», - խոստովանել է աստղը հարցազրույցում։

Հիշեցնենք, որ Ադելն իր ամուսնուց բաժանվել է 2019 թվականին՝ 7 տարվա հարաբերություններից հետո։ Միասին նրանք դաստիարակում են համատեղ կյանքի ընթացքում ծնված որդուն։