Հռոմի պապը հայտարարել է, որ ամաչում է Ֆրանսիայում մանկապիղծ հոգևորականների հանցագործությունների համար
Հռոմի պապ Ֆրանցիսկոսը հայտարարել է, որ ամաչում է Ֆրանսիայում մանկապիղծ հոգևորականների հանցագործությունների համար։
«Երեկ ֆրանսիացի եպիսկոպոսների համաժողովը զեկույց ստացավ անկախ հանձնաժողովից: 1950 թ.-ից մեծ թվով անչափահասներ սեռական բռնության զոհ են դարձել: Ես ուզում եմ իմ անկեղծ ցավն ու կարեկցանքը հայտնել բոլոր զոհերին: Սա իմ ամոթն է, մեր ամոթը, իմ ամոթը եկեղեցու չափազանց երկար անգործության համար»,- ասել է Ֆրանցիսկոս I- ը:
Ինչպես հայտնել ենք, եկեղեցում սեռական բռնության հարցերով անկախ հանձնաժողովի հետաքննության արդյունքները ցույց են տվել, որ Ֆրանսիայում կաթոլիկ եկեղեցու ավելի քան 3000 ծառայող ներքաշված է եղել մանկապղծության մեջ։
1950-2020 թվականների ընթացքում Ֆրանսիայում առնվազն 216 000 անչափահաս դարձել է հոգևորականների և կրոնական գործիչների կողմից սեռական բռնության զոհ, ասել է եկեղեցում սեռական բռնության անկախ հանձնաժողովի ղեկավար Ժան-Մարկ Սովեն: