Ամենաթանկ կազմ ունեցող ֆուտբոլային ակումբների տասնյակը

Անգլիայի չեմպիոն «Մանչեսթեր Սիթին» ամենաթանկ կազմ ունեցող ֆուտբոլային թիմն է Եվրոպայի առաջատար հինգ լիգաներում։ Ուսումնասիրությունն անցկացրել է CIES Football Observatory-ին։

«Մանչեսթեր Սիթիի» ֆուտբոլիստների ընդհանուր տրանսֆերային գինը 1,280 միլիարդ եվրո է։

Երկրորդ տեղում է անգլիական «Մանչեսթեր Յունայթեդը» (1,214 միլիարդ), երրորդը Չեմպիոնների լիգայի գավաթակիր Լոնդոնի «Չելսին» է (946 միլիոն)։

Հաջորդ տեղերում են «Բարսելոնան» (896 միլիոն), «Բավարիան» (890), «Լիվերպուլը» (868), «Ռեալ Մադրիդը» (846), ՊՍԺ-ն (808), «Բորուսիա Դորտմունդը» (687) եւ «Աթլետիկո Մադրիդը» (662)։

Տրանսֆերային արժեքները գնահատվել են 2021թ․ հոկտեմբերի 1-ի դրությամբ։ Հաշվարկում ներառված չեն ակումբների այն ֆուտբոլիստները, որոնք վարձակալությամբ հանդես են գալիս այլ թիմերում։