«Տատու» խումբը հայտարարել է վերամիավորման մասին. կոմպոզիտոր Սերգեյ Գալոյանը սպառնացել է դիմել դատարան

Երգչուհիներ Լենա Կատինան և Յուլիա Վոլկովան հայտարարել են 2000-ականներին հայտնի «Տատու» խմբի վերամիավորման մասին: Նրանք այդ մասին հայտնել են Instagram-ում տեղադրված տեսանյութի միջոցով, գրում է korrespondent.net-ը:

Առաջինն այդ մասին հայտնել է Կատինան: Նա ասել է, որ 2022 թվականի գարնանը խումբը կմիավորվի: Այնուհետև տեղեկությունը հաստատել է Վոլկովան:

Հատկանշական է, որ պրոդյուսեր և կոմպոզիտոր Սերգեյ Գալոյանը, որին պատկանում է խմբի բազմաթիվ հիթերի հեղինակային իրավունքը, Instagram-ում գրել է, որ դրա համար իր համաձայնությունը չի տվել:

«Ընկերներ, 2022 թվականի ոչ մի «տուրք» էլ չի լինի, ես թույլտվություն չեմ տվել և չեմ պատրաստվում տալ», - շեշտել է նա՝ կոչ անելով Կատինային «կարողանալ համաձայնության բոլոր կողմերի հետ»:

Գալոյանը նաև տեղադրել է պաշտոնական ծանուցում, որն արգելում է ստեղծագործությունների օգտագործումը, որոնց իրավունքները նա ունի, և սպառնացել է դիմել դատարան: