Ինչպես նիհարել՝ առանց սիրելի ուտելիքից հրաժարվելու

Բրիտանական Սուրեյի համալսարանի մի խումբ հետազոտողներ քաշի կորստի պարզ, բայց արդյունավետ մեթոդ են ասել այն մարդկանց համար, ովքեր ցանկանում են ավելորդ քաշից ազատվել առանց մեծ ջանքերի, առանց կալորիաները հաշվելու կամ սիրելի ուտելիքից հրաժարվելու։

Лента պարբերականի փոխանցմամբ՝ «90 րոպեի մեթոդի» իմաստը կայանում է նրանում, որ հարկավոր է սովորականից 90 րոպե ուշ նախաճաշել և 90 րոպե շուտ ընթրել: Գիտնականները պարզել են, որ սա կօգնի նիհարել բոլոր նրանց, ովքեր կհետևեն են այս կանոնին: Միևնույն ժամանակ, կարիք չկա սովորական սննդակարգը սահմանափակել դիետայով կամ կալորիաներ հաշվել:

Գիտնականները փորձ են անցկացրել, որի ընթացքում մասնակիցներին տասը շաբաթվա ընթացքում խնդրել են ուտել որոշակի ժամերի, որից հետո նրանց բաժանել են երկու խմբի: Առաջին խումբը փոխել է ճաշի ժամերը, այսինքն՝ նախաճաշել է 90 րոպե ուշ և ընթրել 90 րոպե շուտ, իսկ երկրորդ խումբը շարունակել է հետևել սովորական գրաֆիկին:

Արդյունքում պարզվել է, որ այն մարդիկ, ովքեր փոխել են սնվելու ժամը, երկու անգամ ավելի արագ են նիհարել և ավելի քիչ են կերել, քան նրանք, ովքեր հետևել են իրենց սովորական ռեժիմին՝ չնայած այն բանին, որ երկու խմբերի մասնակիցներն էլ ուտելիքի և դրա քանակի առումով լիովին ազատ էին իրենց ընտրության մեջ:

Այս մեթոդն օգնել է նվազեցնել ախորժակը և կրճատել խորտիկների քանակը՝ հատկապես երեկոյան: Բացի այդ, այն հեշտ է կիրառել առօրյա կյանքում: