Քանյե Ուեսթը թողարկեց Donda ալբոմը

Քանյե Ուեսթը թողարկեց Donda ալբոմը․ թողարկումը բազմիցս հետաձգվում էր: Donda-ն ամերիկացի ռեփեր Քանյե Ուեսթի թողարկած տասներորդ ստուդիական ալբոմն է։ Նրա մոր անունով հավաքածուն արդեն հասանելի է Apple Music և Spotify հոսքային հարթակներում:

Սկավառակը ներառում է 26 ստեղծագործություն։

Ըստ մամուլի հրապարակումների ՝ Ուեսթն առաջին անգամ ներկայացրել է նոր հավաքածուի երգերը 2021 թվականի հուլիսի կեսերին Լաս Վեգասում տեղի ունեցած փոքր միջոցառման ժամանակ, որը ոչ մի տեղ չի հեռարձակվել։ Դրան հաջորդել է երեք հիմնական շնորհանդես, երկուս՝ը Ատլանտայում, մեկը՝ Չիկագոյում:

Օգոստոսի 26-ին Չիկագոյի մարզադաշտում կայացած վերջին նախալսումն անցել է մեծ մասշտաբով: Մարզադաշտում կառուցվել է այն տան կրկնօրինակը, որտեղ երաժիշտն ապրել է մանկության տարիներին։ Միջոցառման ավարտին Ուեսթը բեմ է դուրս եկել առանց դիմակի, որը նա հանրության առջև չէր հանել մի քանի ամիս, սակայն ամենամեծ ինտրիգը նրա նախկին կնոջ ՝ Քիմ Քարդաշյանի հարսանյաց զգեստով հայտնվելն էր: Այդ տեսարանը խոսակցությունների տեղիք տվեց, թե զույգը վերամիավորվել է:

Հիշեցնենք, որ Donda- ի թողարկումից մի քանի օր առաջ հայտնի էր դարձել, որ Ուեսթը փաստաթղթեր է ներկայացրել պաշտոնական անունը Kanye-ից Ye փոխելու համար: 

.@kanyewest’s “Donda” is OFFICIALY the album with the most #1’s in @AppleMusic’s history. pic.twitter.com/fN3kX8ZaZk

— Kanye West Charts (@KWcharts) August 30, 2021