Մի փաստաթղթի ոդիսականը. Հայկ Դեմոյան

Ցեղասպանության թանգարան ինստիտուտի նախկին տնօրեն Հայկ Դեմոյանը ֆեյսբուքում գրել է․

«Մի փաստաթղթի ոդիսականը

Երևան քաղաքի Չարենցի փ. 15 հասցեում է գտնվում Գիտությունների ազգային ակադեմիայի Հնագիտության և ազգագրության ինստիտուտը։

2018 թ․ ապրիլին, այս գիտական հաստատության շուրջ չորս տասնյակ (!) գիտությունների դոկտորներ և թեկնածուներ հայտարարություն տարածեցին, պահանջելով Սերժ Սարգսյանի հեռանալը։ Մինչև այս կետը, կարծես թե որևէ խնդիր չկա, բայց արի ու տես, որ հայտարարության այդ տեքստը, որը լայնորեն տարածվել էր կեղծ հեղափոխության օրերին, հեռացվել է հաստատության կայքէջից, իսկ նամակի տեքստն ու այն ստորագրած գիտաշխատողների անունները Գիտությունների ազգային ակադեմիան ու ինստիտուտի անձնակազմը համառորեն չեն հրապարակում։

Ինչու՞ է կարևոր այդ նամակի տեքստը։ Այն կօգնի մեզ լույս սփռել հայ-թուրքական հաշտեցման դրամաշնորհներում ներգրաված ազգագրագետների, նրանց ունեցած կապերի, թավշյա դավադրությունը սպասարկելու, Ծիծեռնակաբերդում ավանդական երդիկների ազգագրությամբ մասնագիտացած Հարություն Մարությանին (նոր տոմարով՝ Քավություն Մաքրության) Հայոց ցեղասպանության թանգարան-ինստիտուտ խցկելու ամոթալի գործողության ու շատ այլ կապերի ու դրվագների վրա։

Այս պահի դրությամբ ցնցողն այն է, որ շուրջ քառասուն պատմական գիտությունների թեկնածուներ ու դոկտորներ փորձում են անտեղյակ ձևանալ և իրենց էլեկտրոնային պահոցներից, որոնք վստահաբար կան, չեն ցանկանում հանել ու տրամադրել այդ նամակի տեքստը։
Ազգագրագետները լուրջ հարվածի տակ են դրել հնագետներին, ովքեր, իմ խորին համոզմամբ, ներքաշվել են քաղաքական այս գործողության մեջ ներկա իշխանությունների հետ սերտ կապեր ունեցող ազգագրագետների օրակարգը սպասարկելու համար։

Կրկնում եմ խնդրանքս, տիկնայք և պարոնայք, համարձակ, համարձակ, հրապարակեք այդ փաստաթուղթը և մի զբաղվեք պասիվ ժխտողականությամբ։ Դա պատիվ չի բերում գիտնականին, այն էլ պատմական գիտությունների դոկտորներին ու թեկնածուներին։
Սպասում ենք Ձեր նամակին․․․»։