«Ալաշկերտ»-ը Եվրոպա լիգայի փլեյ-օֆֆի առաջին խաղում պարտվեց Շոտլանդիայում

Ֆուտբոլի Եվրոպա լիգայի փլեյ-օֆֆի առաջին խաղում Հայաստանի չեմպիոն «Ալաշկերտ»-ը հյուրընկալվեց շոտլանդական «Ռենջերս»-ին:

«Արմենպրես»-ի հաղորդմամբ` առաջին կեսում Հայաստանի չեմպիոն «Ալաշկերտ»-ը խաղում էր «երկրորդ» համարով և հիմնականում պաշտպանվում էր: «Ռենջերս»-ն գրոհները հաջորդում էին իրար: Սակայն առաջին կեսի վերջնամասում` երկրորդ դեղին քարտը ստացավ և հեռացվեց «Ռենջերս»-ից Լանդսթրեմը: Թիմերն ընդմիջման գնացին զրոյական ոչ-ոքի հաշվով:

«Ռենջերս»-ը շատ ակտիվ մեկնարկեց երկրորդ կեսում և կրկնվեց առաջին կեսի սցենարը` շոտլանդական ակումբը գրոհում էր, «Ալաշկերտ»-ը` երբեմն հակագրոհում: «Ռենջերս»-ից Մորելոսը 67-րդ րոպեին օգտվեց պաշտպանների սխալից և առաջ մղեց իր թիմին: «Ալաշկերտ»-ին չհաջողվեց հետ բերել կորցրածը: «Ռենջերս»-«Ալաշկերտ»` 1:0: Թիմերի պատասխան հանդիպումը կկայանա օգոստոսի 26-ին Երևանում: