«Ռեալում» սպասում են, որ ՊՍԺ-ն կառաջարկի Մբապեի տրանսֆերը

Մադրիդի «Ռեալում» սպասում են, որ ֆրանսիական ՊՍԺ-ն «Բարսելոնայի» նախկին խաղացող, 34-ամյա արգենտինացի հարձակվող Լիոնել Մեսիի հետ պայմանագիր կնքելուց հետո իրենց կառաջարկի աշխարհի չեմպիոն Ֆրանսիայի հավաքականի 22-ամյա հարձակվող Կիլիան Մբապեի տրանսֆերը, հաղորդում է իսպանական Marca-ն։

Մբապեն հրաժարվել է երկարաձգել ՊՍԺ-ի հետ պայմանագիրը, որը նախատեսված է մինչեւ հաջորդ մրցաշրջանի ավարտը։ Չի բացառվում, որ Արքայական ակումբը Մբապեի հետ կկնքի մեկ տարվա վարձակալության պայմանագիր, իսկ հաջորդ ամռանը ֆուտբոլիստն անվճար կդառնա «Ռեալի» ֆուտբոլիստ։ Մբապեն եւս ցանկություն ունի կարիերան շարունակել «Ռեալում»։

Մբապեն 2017-ին «Մոնակոյից» է տեղափոխվել ՊՍԺ։ Ֆրանսիայի անցած առաջնությունում նա մասնակցել է 31 հանդիպման, խփել 27 գոլ, կատարել 7 գոլային փոխանցում։