Աթլետիկոն կողմնորոշվել է Սուարեսի փոխարինողի հարցում

Marca-ն, հայտնում է, որ «Ատլետիկոն» պատրաստվում է պայմանագիր կնքել «Վուլվերհեմփթոնի» և Իսպանիայի Օլիմպիական հավաքականի հարձակվող Ռաֆայել Միրի հետ:

Մադրիդյան ակումբի մարզչական շտաբը կարծում է, որ 24-ամյա ֆուտբոլիստը ունի այն որակները, որը նրան թույլ կտա փոխարինելու վետերան Լուիս Սուարեսին:

Ռաֆա Միրի տրանսֆերային արժեքը կազմում է մոտ 15 միլիոն եվրո:

Մադրիդյան ակումբը հետաքրքրված է նաև «Ինտերի» հարձակվող Լաուտարո Մարտինեսի ծառայություններով, սակայն իտալական ակումբը դժվար թե ցանկանա բաժանվել ևս մեկ հարձակվողից, քանի որ Ռոմելու Լուկակուն մոտ է ակումբը լքելուն։