Այշվարիա Ռայ. Կյանքը մայրանալուց առաջ և հետո (Լուսանկարներ)

Այշվարիա Ռայը Հնդկաստանի հպարտությունն է : Նա 1994 թվականին վաստակելով Միսս Աշխարհ տիտղոսը ակնթարթորեն դարձավ հանրահայտ սիրված: Նրա մասնակցությամբ հնդկական ֆիլմերի համար խելագարվում էին թե տղաները, թե աղջիկները, նա ապացուցեց, որ կարող է լինել համաշխարհային աստղ՝ ներկայացնելով Հնդկաստանը: Նրան սկսեցին հրավիրել նաև համաշխարահին աստղերի հետ որպես խաղընկեր, ինչպիսիք են Բրեդ Փիթը, Ռոբերտ Դենիրոն:

Այշվարիան Կինոաշխարհում

Դերասանուհին մեկնարկել է «Տանդեմ» ֆիլմում, որը ստացել է մրցանակ միջազգային կինոփառատոնում, իսկ Այշվարիան էլ՝ հայտնիություն: 

Հաջորդ մեծ հաջողությունը նրան բերել է «Դևդաս»-ը: Այն ցուցադրել են Կաննում: Բացի այդ, այն հազարամյակի լավագույն տասը ֆիլմերի ցանկում է: 

Այշվարիան ներկայացնում էր Հնդկաստանը Կաննում, իսկ մեկ տարի անց արդեն Ժյուրիի կազմում էր: 

Դերասանուհու կինոգրաֆիայում այնպիսի սիրված ու հայտնի ֆիլմեր կան, ինչպիսիք են «Հարսնացուն և նախապաշարմունքները» / Ջեյն Օսթինի « Հպարտություն և Նախապաշարմունքներ» գրքի հնդկական էկրանավորումը / , «Վարդագույն Պանտերա - 2», «Ռոբոտ», «Վերջին Լեգիոնը», «Համեմունքների արքայադուստրը» և այլն: Հենց վերջին ֆիլմը, թեև վարձույթում տապալվել է, բայց և այնպես, շատ սիրված է երկրպագուների կողմից: 

Այշվարիան նաև կարողացավ հարթել իր անձնական երջանկության ճանապարհը: Սակայն ստիպված եղավ լքել կինոաշխարհը 4 տարով: Նրա ընտրյալը դարձավ Աբիշեք Բաչանը / Բաչանների հայտնի դինաստիայից / , սակայն մայրանալով նա ավելացրեց, բնականաբար, իր կիլոգրամները և կորցրեց երկրպագուների սերը:

Նրան և նրա դստերը՝ Աարադխիային, թեև բոլորը երջանկություն էին մաղթում, բայց և սուր քննադատությունները չէին դադարում:

Բանն այն է, որ թեև բոլորը նրան երջանկություն ու բարի մայրություն էին մաղթում, բայց երբ տեսան նրա կազմվածքի փոփոխությունները, սկսեցին քննադատել:

Նրան անգամ անվանել են Հնդկաստանի խայտառակություն:

Աստղը իրավունք չունի նման կատարելության խորհրդանիշից վերածվել սովորական մայրիկի՝ տնային տնտեսուհու:

Չորս տարի անց Այշվարիան կարգավորեց իր կազմվածքը, կրկին վերադարձավ կինոաշխարհ: Նա շարունակում է նկարահնվել, 2021 թվականին սպասվում է <<Պոննիի կյանքը>> ֆիլմի պրեմիերան: