Քեյթ Միդլթոնը և արքայազն Ուիլյամն իրենց որդու լուսանկարն են հրապարակել

Արքայազն Ջորջը նշում է իր ծննդյան օրը հուլիսի 22-ին. Քեյթ Միդլթոնի և արքայազն Ուիլյամի ավագ որդին դառնում է ութ տարեկան: Ի պատիվ իրադարձության՝ Քեմբրիջի դքսերի Instagram- ում հոբելյարի նոր լուսանկարն է հայտնվել:

Լուսանկարում Ջորջը John Lewis գծավոր պոլո վերնաշապիկով, նստած է արքայազն Ֆիլիպին պատկանած Land Rover Defender- ի վրա։

Լուսանկարն արվել է Anmer Hall կալվածքում: Դրա հեղինակը հենց Քեյթ Միդլթոնն է, որն, ինչպես հայտնի է, լուսանկարչության սիրահար է և հաճախ է լուսանկարում իր ընտանիքին:

Թագավորական ընտանիքի երկրպագուները մեկնաբանություններում նշել են, որ Ջորջը շատ նման է իր հորը՝ արքայազն Ուիլյամին, և ջերմորեն շնորհավորել են տղային ծննդյան օրվա առթիվ:

Գրառումն արդեն հավաքել է ավելի քան 970 հազար հավանում:

Հիշեցնենք, որ արքայազն Ուիլյամն ու Քեյթ Միդլթոնը երեք երեխա ունեն՝ ութ տարեկան Ջորջը, հինգ տարեկան Շառլոտան և երեք տարեկան Լուին: