Դիեգո Ռոսսի Մարաշլյանը՝ գոլի հեղինակ (տեսանյութ)

Ամերիկյան MLS-ի արևմտյան կոնֆերենցիայի 13-րդ տուրի շրջանակում «Լոս Անջելեսն» ընդունեց «Ռեալ Սոլթ Լեյքին» ու առավելության հասավ 2-1 հաշվով:

Խաղի հաշիվը 10-րդ րոպեին բացեց հայազգի հարձակվող Դիեգո Ռոսսի Մարաշլյանը: Մրցակիցը պատասխանեց 8 րոպե անց: Երկրորդ խաղակեսի 15-րդ րոպեին Կառլոս Վելան վրիպեց 11 մետրից, սակայն 19 րոպե անց նույն Վելան խփեց իր թիմի հաղթական գնդակը՝ 2-1: Հայազգի հարձակվողը փոխարինվեց 88-րդ րոպեին:

Այս հաղթանակից հետո «Լոս Անջելեսը» 21 միավորով 5-րդն է, իսկ Մարաշլյանն այս առաջնությունում աչքի է ընկել 5 անգամ: