Օտարերկրացիները և քաղաքացիություն չունեցող անձինք կարող են պատվաստվել միայն 10 օր և ավելի տևողությամբ ՀՀ-ում գտնվելու դեպքում և միայն «ԱստրաԶենեկա»-ով. ԱՆ

Օտարերկրյա քաղաքացիները և քաղաքացիություն չունեցող անձինք հուլիսի 15-ից COVID-19-ի դեմ, ըստ դիմելիության, կարող են պատվաստվել միայն տասն օր և ավելի տևողությամբ Հայաստանի Հանրապետությունում գտնվելու դեպքում: Այս մասին հայտնում է Առողջապահության նախարարությունը:

Պատվաստումը կկատարվի «ԱստրաԶենեկա» պատվաստանյութով, միայն շարժական պատվաստումային կետերում։

Շարժական պատվաստումային կետեր տեղակայված են ինչպես մարզերում` Գյումրի, Վանաձոր, Կապան քաղաքներում, այնպես էլ Երևանում, մասնավորապես.

Հյուսիսային պողոտա,

«Ռոսիա մոլ» առևտրի կենտրոն,

«Մեգա մոլ» առևտրի կենտրոն,

«Դալմա մոլ» առևտրի կենտրոն,

«Կասկադ» համալիր։