Լեոնարդո Բոնուչչին հավասարեցրեց հաշիվը՝ երկրորդ խաղակեսում. Անգլիա - Իտալիա՝ 1:1

Ինչպես արդեն նշել էինք, այս պահին ընթանում է Եվրո 2020 եզրափակչի հանդիպումը, որտեղ խաղում են Անգլիայի և Իտալիայի հավաքականները: 

Իտալիա - Անգլիա եզրափակիչը մեկնարկել էր հուլիսի 11-ին՝ 23:00-ին, Լոնդոնի «Ուեմբլի» ստադիոնում:

Հիշեցնենք, առաջին խաղակեսից ուղիղ երկու րոպե անց գրանցվեց առաջին գոլը՝ Անգլիայի հավաքականի պաշտպան Լյուկ Շոուի կողմից:

Երկրորդ խաղակեսում, որը հենց հիմա է ընթանում, Լեոնարդո Բոնուչչին հավասարեցրեց հաշիվը՝ 1:1:

Նշենք, որ 60 000 տոմս է վաճառվել, բայց , ինչպես նշում են անգլիական զլմ-ները, մարզադաշտում 90 000 հանդիսական կա:

Նշենք նաև, որ Անգլիայի հավաքականի ֆուտբոլիստներն ու մարզիչները Եվրոպայի առաջնության եզրափակիչ մրցաշարում ստացած ամբողջ պարգեւավճարը կփոխանցեն բարեգործական կազմակերպությունների:

Շեշտենք, որ հաշիվը չի կարող մնալ 1:1, քանի որ սա եզրափակիչ է, և եթե հիմնական ժամանակում նոր գոլեր չգրանցվեն, կնշանակվի լրացուցիչ ժամանակ, եթե դա էլ արդյունք չտա, կնշանակվեն 11 մետրանոց հարվածներ: