Հյուսիսային Կորեայի եւ Չինաստանի առաջնորդները ցանկություն են հայտնել ավելի ամրապմդել իրենց կապերը

Հյուսիսային Կորեայի եւ Չինաստանի առաջնորդները ցանկություն են հայտնել ավելի ամրապմդել իրենց կապերը՝ կիրակի փոխանակվելով ուղերձներով նրանց երկրների միջեւ պաշտպանության պայմանագրի 60-րդ տարելիցի կապակցությամբ, հաղորդւոմ է ABC News-ը:

Սի Ցզինպինին ուղղված ուղերձում Հյուսիսային Կորեայի առաջնորդ Կիմ Չեն Ընը հայտարարել է, որ իր կառավարության «անփոխարինելի դիրքորոշումն է բարեկամական եւ կոոպերատիվ հարաբերությունների անդադար զարգացումը» երկրների միջեւ, հաղորդում է կորեական պետական կենտրոնական տեղեկատվական գործակալությունը:

Սի Ցզինպինն իր հերթին հայտարարել է իր ուղերձում, որ Չինաստանն ու Հյուսիսային Կորեան «առանց վարանելու սատարում են միմյանց»:

Այն, որ Հյուսիսային Կորեան կփնտրի ավելի մեծ աջակցություն Չինաստանից՝ իր գլխավոր դաշնակից եւ բարեկամից, ակնկալվում էր, քանի որ երկիրը պայքարում է տնտեսական դժվարությունների, կորոնավիրուսի խորացող համավարակի եւ իր միջուկային ծրագրի դեմ ԱՄՆ-ի քայքայիչ պատժամիջոցների դեմ: Չինաստանն իր հերթին համարում է, որ հյուսիսկորեական կոլափսի կանխարգելումն ունի որոշիչ նշանակություն իր անվտանգության շահերի համար, եւ անհրաժեշտ է ամրապնդել կապերը Հյուսիսային Կորեայի եւ մյուս դաշնակիցների հետ Միացյալ Նահանգների հետ դաժան մրցակցության ֆոնին, ասում են որոշ փորձագետներ: