Բաքվի վերաքննիչ դատարանում շարունակում է 13 հայ ռազմագերիների դեմ քրեական գործով դատավարությունը

Հուլիսի 6-ին Բաքվի վերաքննիչ դատարանում շարունակում է 13 հայ ռազմագերիների դեմ քրեական գործով դատավարությունը, գրում է haqqin.az-ը:

Որպես ամբաստանյալներ` դատարանի առաջ են կանգնել Հայկազ Կորյունի Հովհաննիսյանը, Վարազդատ Անուշավանի Մանուկյանը, Դավիթ Ստեփանի Ստեփանյանը, Լևոն Աշոտի Թոսունյանը, Արթուր Էդուարդի Բաղդասարյանը, Սերոբ Սուրենի Ավագյանը, Վարազդատ Սերժի Հարությունյանը, Ժորա Վանոյի Մանուկյանը, Հրայր Հրաչի Հերաբյանը, Նարեկ Աղայի Գասպարյանը, Գրիգոր Գրիգորի Կյուրեղյանը, Աշոտ Արտակի Գևորգյանը և Մարտին Մուշեղի Հախրամանյանը:

Նիստը վարում է Բաքվի ծանր հանցագործությունների դատարանի դատավոր Էլդար Իսմայիլովը:

Նշենք, որ ավելի վաղ ավարտվել էր Ադրբեջանի Պետական անվտանգության ծառայության գլխավոր քննչական վարչության կողմից հարուցված քրեական գործի նախաքննությունը:

Ադրբեջանական կողմը հայ ռազմագերիներին մեղադրում է նոյեմբերի 9-ի եռակողմ հայտարարության ստորագրումից հետո «ապօրինի կերպով զենք, զինամթերք, պայթուցիկ նյութեր ձեռք բերելու, օրենքով չնախատեսված զինված կազմավորումներ ստեղծելու ու, Հադրութի հյուսիս-արևմտյան հատվածում դիրքավորվելով, մինչ դեկտեմբերի 13-ն ահաբեկչական գործողություններ իրականացնելու համար» (չակերտները-Խմբ.):