на Русском
Ով կկարողանա վերահսկել Կենտրոնական Ասիան, նա ... 
Հենրիխ Մխիթարյանը սկսել է ինքնակենսագրական գր... 
Ադրբեջանի արտակարգ իրավիճակների նախարարությունը հետաքննություն է սկսել՝ պարզելու երեկ երեկոյան Կասպից ծովի ադրբեջանական հատվածում պայթյունի պատճառը
Ադրբեջանի արտակարգ իրավիճակների նախարարությունը հետաքննություն է սկսել՝ պարզելու երեկ երեկոյան Կասպից ծովի ադրբեջանական հատվածում պայթյունի պատճառը:
«Նախաքննության ընթացքում պարզվել է, որ ծովում նավթի և գազի արդյունահանման օբյեկտներում, արդյունաբերական և տրանսպորտային այլ ենթակառուցվածքներում արտակարգ իրավիճակներ տեղի չեն ունեցել»,- ասվում է նախարարության հաղորդագրության մեջ:
Այսօր առավոտյան հետախուզական թռիչքներ են սկսվել Կասպից ծովում՝ նախարարության ավիացիոն ջոկատից ուղղաթիռի ներգրավմամբ: Թռիչքի ընթացքում ի հայտ է եկել քարոտ Դաշլը կղզում ցեխային հրաբխի ժայթքման փաստը:
Ներկայում հրաբխի խառնարանում առկա է ոչ մեծ կրակ:
«Հրաբուխը վտանգ չի ներկայացնում ծովային նավթագազային ենթակառուցվածքի և այլ օբյեկտների, ինչպես նաև մարդկանց կյանքի համար», - հայտնել են Արտակարգ իրավիճակների նախարարությունից:
Ինչպես ավելի վաղ հայտնել էինք, Կասպից ծովի ադրբեջանական հատվածում պայթյունի պատճառը, ըստ մասնագետների նախնական վարկածի, հրաբխի ժայթքումն է: Այս մասին հայտնել էր Ադրբեջանի բնապահպանության և բնական պաշարների նախարարությունը:
Ադրբեջանական SOCAR խոշորագույն նավթագազային ընկերությունից հայտնել էին, որ իրենց արտադրական հարթակներում վթարներ չեն եղել, աշխատանաքն ընթանում է բնականոն ռեժիմով:
