Քիմ Քարդաշյանը նոր լուսանկարներ է հրապարակել Հռոմում իր ճամփորդությունից

Ամերիկյան Keeping up with the Kardashians իրապատում շոուի աստղ Քիմ Քարդաշյանը նոր լուսանկարներ է հրապարակել Իտալիայում իր շրջագայությունից:

«Գիշերային զբոսանք Իսպանական աստիճանների մոտ»,- սոցցանցում հրապարակված լուսանկարներին կից գրել է Քիմը:

«Իսպանական աստիճանները» հայտնի են դարձել «Հռոմեական արձակուրդներ» ֆիլմից, որի տեսարաններից մեկում գլխավոր հերոսուհուն մարմնավորած Օդրի Հեփբերնը նկարահանվել է հենց այդ աստիճաններին: Աստիճանները գտնվում են իտալական մայրաքաղաքի կենտրոնական հատվածում՝ Իսպանիայի հրապարակի հարևանությամբ:

Հիշեցնենք, որ Հռոմում իր ուղևորության ընթացքում Քիմն արդեն հասցրել է կրկնօրինակել «Քաղցր կյանք» իտալական կատակերգական դրամայի գլխավոր դերակատարուհի Անիտա Էկբերգի հայտնի լուսանկարը Տրևի շատրվանի մոտ։