ՊՍԺ–ն բանակցում է Սերխիո Ռամոսի հետ

Մադրիդի «Ռեալից» հեռացած Սերխիո Ռամոսը բանակցում է ֆրանսիական ՊՍԺ–ի հետ, հաղորդում է lequipe–ը։

Իսպանացի պաշտպանն ակնկալում է երկու տարվա պայմանագիր, տարեկան 13 միլիոն եվրո վարձատրությամբ։

Փարիզյան ակումբը ցանկանում է 35–ամյա ֆուտբոլիստի հետ կնքել մեկ տարվա պայմանագիր, հաջորդ ամռանը եւս մեկ տարով երկարաձգելու հնարավորությամբ։

Սերխիո Ռամոսը 2005 թվականին «Սեւիլիայից» է տեղափոխվել «Ռեալ», որի կազմում անցկացրել է 671 հանդիպում, խփել 101 գոլ, կատարել 40 գոլային փոխանցում, դարձել Իսպանիայի հնգակի չեմպիոն, կրկնակի գավաթակիր, քառակի սուպերգավաթակիր, Չեմպիոնների լիգայի քառակի գավաթակիր, Եվրոպայի եռակի սուպերգավաթակիր, աշխարհի քառակի ակումբային չեմպիոն։