«Հարազատ հոգիներ». Քլոե Քարդաշյանները եղբոր և կրտսեր քրոջ հետ լուսանկար է հրապարակել

Keeping Up With the Kardashians իրապատում շոու հայազգի աստղ Քլոե Քարդաշյանը Թրիստան Թոմփսոնից կրկին բաժանվելու մասին լուրերի ֆոնին լուսանկար է հրապարակել եղբոր և կրտսեր քրոջ հետ, հայտնում է բրիտանական Daily Mail պարբերականը և հավելում, որ 2 օր առաջ աստղը նշել է ծննդյան 37-րդ տարեդարձը։

Քլոե Քարդաշյանը լուսանկար է հրապարակել 34-ամյա եղբոր՝ Ռոբերտ Քարդաշյանի և կրտսեր քրոջ՝ 23-ամյա Քայլի Ջեների հետ, որին կից գրել է․ «Հարազատ հոգիներ»։

Պաբերականը նշում է, որ լուսանկարն ամենայն հավանականությամբ արվել է նրանցից որևէ մեկի տանը: Ռոբը հազվադեպ է հայտնվում Քարդաշյան-Ջեներ ընտանիքի կանանց սոցիալական էջերում և նախընտրում է տեսադաշտից դուրս մնալ։