Աջափնյակի թաղապետարանում անտեր վիճակ է․ վարչական շրջանը չունի ո՜չ ղեկավար, ո՛չ էլ ղեկավարի ԺՊ. «Իրավունք»

«Իրավունք» թերթը գրում է.

««Իրավունքը» ստանում է զանգեր Աջափնյակի բնակիչներից, ովքեր ահազանգում են, որ թաղապետարանում «շունը տիրոջը չի ճանա­չում» տրամաբանությամբ իրավիճակ է: Ահազանգողները մասնավորապես ասում են, որ թաղապետարանը չունի ո՜չ թաղապետ, ո՛չ էլ թաղապետի ժա­մանակավոր պաշտոնակատար:

Բնակիչներին հորդորել էին սպասել մինչև երկուշաբթի, որ գոնե ԺՊ կնշանակվի, ով լիազորված կլինի կնիքը գործա­ծել: Բայց մինչ այս պահը թաղապետարանում նույն իրավիճակն է, մարդիկ էլ կանգնել են փաստի առաջ:

Քաղաքապետարանից փորձեցինք պարզել, թե ե՞րբ կնշանակվի կամ թաղապետ, կա՜մ ԺՊ, մեզ պատասխանեցին, որ հարցը իրենց ուշադրության կենտրոնում է: Կլինի՞, որ մի քիչ արագ կենտրոնանաք»,-գրում է թերթը։

Նյութն ամբողջությամբ կարդացեք թերթի այսօրվա համարում։