Հրավառություն, ազդանշան տվող մեքենաներ. հազարավոր երկրպագուներ դուրս են եկել Ժնևի փողոցներ՝ տոնելու Եվրո-2020-ի շրջանակում Շվեյցարիայի՝ Ֆրանսիայի նկատմամբ տարած հաղթանակը (տեսանյութ)

Շվեյցարիայի ֆուտբոլի ազգային հավաքականի երկրպագուները երեկ ուշ գիշերով դուրս են եկել Ժնևի փողոցներ՝ տոնելու Եվրո-2020-ի շրջանակում ազգային հավաքականի հաղթանակը Ֆրանսիայի նկատմամբ: life.ru-ի տրամադրության տակ է հայտնվել դեպքի վայրի տեսանյութը, որտեղ նկատվում են հազարավոր երկրպագուներ:

Ժնևի երկնքում հրավառություն է տեղի ունեցել, երկրպագուները ծածանել են ազգային դրոշը, բղավել ու երգել: Անցնող մեքենաներն ազդանշաններ են արձակել՝ աջակցելով երկրպագուներին:

Հիշեցնենք, որ Ֆրանսիայի հավաքականը Բուխարեստում կայացած խաղում 11 մետրանոց հարվածաշարերով զիջել է Շվեյցարիայի հավաքականին ու դուրս մնացել ԵՎՐՈ-2020-ից: Խաղի հիմնական ժամանակն ավարտվել էր 3:3 հաշվով: Այսպիսով՝ աշխարհի գործող չեմպիոն Ֆրանսիան դուրս մնաց հետագա պայքարից. 11-մետրանոց հարվածաշարում Մբապեի վրիպման շնորհիվ Շվեյցարիան դուրս եկավ 1/4 եզրափակիչ:

Տեսանյութը կարող եք դիտել այստեղ: