Աշխարհին անհրաժեշտ է «ռազմական ժամանակաշրջանի մտածելակերպ» կլիմայի փոփոխությանը հակազդելու համար. Ջոն Քերի

Աշխարհին անհրաժեշտ է «ռազմական ժամանակաշրջանի մտածելակերպ» կլիմայի փոփոխությանը հակազդելու համար: Այդ մասին հայտարարել է ԱՄՆ կլիմայի հարցով հատուկ բանագնաց Ջոն Քերին, հաղորդում է Reuters-ը:

«Մենք պետք է ունենանք ինքնատիպ ռազմական ժամանակաշրջանի մտածելակերպ»,-ասել է Քերին Եվրոպական բանկի զարգացման մասին համաժողովի ժամանակ՝ կոչ անելով երկրներին, ներառյալ, Միացյալ Նահանգներին, փոխել բյուրոկրատիան ավելի արագ գործելու համար: «Մենք չենք կարող մեզ թույլ տալ 10 տարվա դատավարություն՝ ձեւացնելով, որ պատրաստվում ենք լուծել այդ խնդիրը, դա պարզապես տեղի չի ունենա»:

Կլիմայական պարտավորությունները կատարելու համար աշխարհին անհրաժեշտ է հաջորդող 10 տարիների ընթացքում ամեն օր տեղակայել աշխարհում արեւային մարտկոցների դաշտ: «Մենք դա անո՞ւմ ենք: Մենք անգամ մոտ չենք դրան»,-ասել է Քերին:

«Երկրորդ համաշխարհային պատերազմի ժամանակ մենք ամեն ժամ արտադրել ենք մեկական B24 կործանիչ Ford Motor Company գործարանում, ուստի մենք գիտեինք, որ պետք է դա անենք: Այժմ մենք պետք է արտադրենք արեւային մարտկոցներ նույն այդ արագությամբ եւ օգնել տեղակայել դրանք: Բազմակողմանի զարգացման բանկերը պետք է ակտիվացնեն ջանքերը, որպեսզի այդպիսի ներդրումները կարողանան աշխատել»: