Վաղարշապատ քաղաքի 14/8 ընտրատեղամասում լրացուցիչ ցուցակով ընտրողներին ուղղորդել են․ «Հայաստան» դաշինքի վստահված անձ (տեսանյութ)

Վաղարշապատ քաղաքի 14/8 ընտրատեղամասում լրացուցիչ ցուցակով ընտրողներին ուղղորդել են։ Այս մասին Tert.am-ի հետ զրույցում ասաց տեղամասում «Հայաստան» դաշինքի վստահված անձ Հրանտ Ավետիսյանը։

«Լրացուցիչ ցուցակով ընտրողները մեծ մասամբ ոստիկանության աշխատակիցներ են։ Այստեղ ունենք 1609 ընտրող գրանցված ցուցակերով և ևս 77-ը` լրացուցիչ ցուցակներով, դրանց մեծ մասը ոստիկաններ էին։ Վաղ առավոտից նրանց բերել են ընտրությունների, բոլորը ոստիկանական համազգեստներով են՝ երկու ավտոբուսով։ Նրանց ուղեկցում էր հավանաբար նրանց հրամանատարը։ Եկան, երկու խմբով ընտրեցին և միասին էլ հեռացան»,- ասաց նա։

Նրա խոսքով՝ ինքը տեղեկացել է, որ իր նշած ոստիկաններին ընտրատեղամաս բերող ավտոբուսները կանգնած են Էջմիածնի ոստիկանության դիմաց, իր խոսքով, հավանաբար այլ խումբ ընտրատեղամասեր տանելու համար։

Մանրամասները՝ տեսանյութում։