«Երեխայի ծնունդը երջանկություն է, սակայն մի որոշ ժամանակ անց ես սկսեցի հուզվել»․ Լիլիթ Մուրադյանը՝ երեխաների ծնունդից հետո կյանքում առաջացող «դժվարությունների» մասին

Հաղորդավարուհի Լիլիթ Մուրադյանը նոր լուսանկար է հրապարակել, որին կից խոսել է երեխաների ծնունդից հետո ստեղծված իրավիճակի, այն հաղթահարելու մասին․

«Երեխայի ծնունդը երջանկություն է, սակայն մի որոշ ժամանակ անց ես սկսեցի հուզվել, արտասվել առանց պատճառի, ինձ մեղավոր զգալ թե ինչու երջանկությունից չեմ թռչկոտում, սակայն իմ վիճակը շատ նորմալ էր, Անդրեան արդեն 5 տարեկան է, մեծ մարդ, ինքնուրույն, ես սկսել էի նորից ապրել իմ բնականոն կյանքով, անցել էի բոլոր դժվարությունների միջով, և ահա նորից նույն ճանապարհը, երեխաները մեծանում են ակնթարթի պես, բայց մամայի համար հաճախ դա կարող է թվալ հավերժություն։

Նկարահանումներ, ճամփորդություններ, 9 ժամ լավ քուն, սրճարան, ընկերներ, մարզասրահ, սիրելի ֆիլմեր, ու մեկ էլ նորից ամեն բան գլխիվայր է պտտվում, նորից ամեն բան զրոյից, չքնել, գազիկ, ատամ, և դեռ պետք է հավասար ուշադրություն տրամադրես մյուս բալիկին, ամեն բան խառնվում է, և ուզես թե չուզես քո կյանքը կախված է այդ փոքրիկ մարդուկից։ Շատերին միգուցե զարմացնի, բայց նման պահերի ամենից շատ կառչում եմ Վահեից, մտնում եմ թևի տակ ու դուրս չեմ գալիս։

Ինչո՞ւ եմ պատմում ձեզ այս ամենը, որովհետև գիտեմ որ ունեք, կամ ունեցել եք նույն այս զգացողությունները, և խոսելն այս մասին ամոթ չէ, խոսեք շատ, դա պետք է և ճիշտ է, բացեք ձեր սիրտը, արտասվեք եքե ուզում եք, մի պահեք ձեր ներսում։ Ցանկացած փոթորիկ ձեր ներսում նորմալ է, սա դժվար շրջան է, որը ձեզ պետք է օգնեն, որ անցնեք, չմոռանալով ձեր իսկ առողջության մասին», - գրել է երկու երեխաների երիտասարդ մայրիկը։