Ինչպես միշտ ու բոլոր հարցերում, կապիտուլյանտը հերթական անգամ լկտիաբար ստել է. ևս մեկ անգամ հորդորում եմ անպայման գնալ ընտրություններին ու վերջ դնել վիժվածքների իշխանությանը. Արման Սաղաթելյան

Հասարակական-քաղաքական գործիչ Արման Սաղաթելյանը ֆեյսբուքում գրել է․ «Սերժ Սարգսյանի հրապարակած փաստաթղթից իմանում ենք, որ «Զինծառայողների ապահովագրության հիմնադրամը» ս.թ. ապրիլի 6-ին հաշվետվություն է ներկայացնում կառավարություն, որում անհետ կորածների թիվը նշված է 1064 ( ու դա միայն զինծառայողներ, ու մենք դեռ ոչինչ չգիտենք քաղաքացիական անձանց մասով): Օրեր անց սուտասան կապիտուլյանտը ԱԺ ամբիոնից
հայտարարում է, թե անհետ կորածների ցուցակում ունենք 321 մարդ։

Տարբերակները շատ չեն.

1. Ինչպես միշտ ու բոլոր հարցերում, կապիտուլյանտը հերթական անգամ լկտիաբար ստել է։

2. Կառավարությունում չեն կարդում իրենց հասցեագրված փաստաթղթերը ու չեն տիրապետում իրավիճակին։

3. Իրականում անհետ կորածների թիվը հիմնադրամի կողմից ուռճացված է, իսկ հատկացումները` յուրացված»,- գրել է նա։

Սաղաթելյանը նաև հորդորել է անպայման գնալ ընտրություններին ու «վերջ դնել վիժվածքների իշխանությանը»: