Պուտինը պատմել է, որ Բայդենը դեռևս հեռախոսազրույցի ժամանակ է բացատրել «մարդասպանի» մասին իր խոսքերը

Ռուսաստանի նախագահ Վլադիմիր Պուտինը պատմել է, որ ԱՄՆ առաջնորդ Ջո Բայդենը հեռախոսազրույցում բացատրել է «մարդասպանի» մասին իր խոսքերը: Ռուսաստանի ղեկավարը հավելել է, որ գոհ է այս բացատրություններից, գրում է ՏԱՍՍ գործակալությունը:

Այսպես Պուտինը չորեքշաբթի օրը, Ժնևում ամերիկացի առաջնորդի հետ բանակցություններից հետո պատասխանել է լրագրողների այն հարցին, թե նախագահներին հաջողվե՞լ է բացատրվել Ռուսաստանի առաջնորդի հասցեին Բայդենի կոշտ արտահայտություններից հետո:

«Կոշտ հայտարարությունների վերաբերյալ. ինչ կարելի է ասել, մենք բոլորս գիտենք այդ հայտարարությունները: Դրանից հետո նախագահ Բայդենը զանգահարել է ինձ, մենք բացատրվել ենք: Ես բավարարված եմ այդ բացատրություններով»,-ասել է Պուտինը:

Ինչպես ավելի վաղ տեղեկացրել էր Tert.am-ը, Ժնևում ավարտվել է Ռուսաստանի և ԱՄՆ-ի ղեկավարների ընդլայնված ձևափափով հանդիպումը: Ըստ CNN- ի, Վլադիմիր Պուտինի ու Ջո Բայդենի բանակցություններն ընդհանուր առմամբ տևել են 3,5 ժամ: