Գարեջուր վաճառող Աշոտ Փաշինյանին հսկող թիկնապահները մեկ ամսվա համար ստացել են 4 միլիոն դրամ աշխատավարձ. «Իրավունք»

«Իրավունք» թերթը գրում է.

«Ավելի վաղ բոլորս ականատես եղանք, թե ինչպես է ՀՀ վարչապետի ԺՊ Նիկոլ Փաշինյանի որ­դին՝ Աշոտ Փաշինյանը, Աբովյան 26 հասցեում գարեջուր վաճառում:

Ակնհայտ է, որ այս էժա­նագին բեմականացումն արվում է միմիայն իշխանատենչ Փաշինյանների անձնական փիառի համար, սակայն պարզ­վում է, որ հետպատերազմական գերճգնաժամային Հայաստանը բավական չէ իր կեղեքվող պետբյուջեից իշխող թիմին աստղա­բաշխական թվերի հասնող պարգևավճարներ է բաժանում, այլև մեկ ամսվա ընթացքում մի քանի միլիոն դրամ է տրա­մադրում, որպեսզի Աշոտ Փաշինյանն անվտանգ գարեջուր վաճառի:

Մեր տեղե­կություններով՝ վերջին մեկ ամսվա ընթաց­քում, «վաճառական» Աշոտ Փաշինյանի ապահով առուծախն ապահովելու նպատա­կով պետբյուջեից ավելի քան 4 միլիոն դրամ է հատկացվել: Մեր աղբյուրի պնդմամբ՝ Աշոտին հսկում է երկու թիկնապահ: Թիկնապահներից յու­րաքանչյուրը ստացել է 2 միլիոն դրամ աշխատավարձ: Այսինքն՝ ընդհանուր գումարը կազմում է 4 միլիոն դրամ»,-գրում է թերթը։

Նյութն ամբողջությամբ կարդացեք թերթի այսօրվա համարում։