2 տիկինները կամուֆլյաժի մեջ ավելի լավ էին, քան քաղաքացի­ական հագուստով

«Հրապարակ» թերթի խմբագրականում գրված է.

ՀՀ կառավարության երեկվա արտա­հերթ նիստի լուսանկարները պատե­րազմի ահազանգի բոթ էին հիշեց­նում, երբ գործադիր մարմնի անդամ­ները, կամուֆլյաժները հագին, կառավարության նիստերի դահլիճում մտահոգ դեմքով ինչ-որ հարց Էին ան­հանգիստ քննարկում: Կառավարու­թյան քառատող հաղորդագրությու­նից ընդամենը հասկացվեց, որ արտահերթ կարգով և լրագրողների հա­մար անհասանելի նիստը կառավա­րության ղեկավարը հրավիրել Է ինչ- որ «Արձագանք 2013» հրամանատարաշտաբային զորավարժությունների շրջանակներում, որտեղ «ՀՀ կառա­վարության անդամներն առաջարկու­թյուններ են ներկայացրել վարչապե­տին՝ հնարավոր սպառնալիքների չեզոքացմանն ու հանրապետության պաշտպանության նախապատ­րաստմանն ուղղված քայլերի վերա­բերյալ»: Բայց օրվա ընթացքում այդ տագնապը փոխակերպվեց զավեշ­տի, երբ հայտնվեցին հայրենի նախա­րարների անհավանական «պոզանե­րով» լուսանկարները՝ արդեն զորա­վարժություններին մասնակցելիս, որովհետև շատերը ոչ միայն դիտել Էին ՊՆ-ի կողմից ցուցադրված զորա­վարժությունները, այլև ռազմահայրենասիրական ավյունով մասնակցել դրանց՝ զենք բռնել, կրակել և այլն: Թեև պարզ չէր անգամ, թե Հրանուշ Հակոբյանն ու Հասմիկ Պողոպանը հնարավոր պատերազմի դեպքում ինչ կարող են անել՝ բացի «Արի տուն» կանչելուց և մշակութային միջոցա­ռումներ կազմակերպելուց, որոնց արդյունքում, սակայն, երկիրն աչքնե­րիս առաջ դատարկվում է, իսկ մշա­կույթը՝ ոչնչանում: Անհասկանալի մնաց նաև այն, թե արդյոք հնարա­վո՞ր չէր այդ առաջարկները ներկա­յացնել առանց զինվորական համազ­գեստ հագնելու: Մանավանդ որ ոչ մի­այն տիկնանց, այլև բանակում չծա­ռայած պաշտոնյաների հագին զինվո­րական համազգեստ տեսնելն արտա­ռոց էր: Բայց հանուն արդարության ասենք, որ 2 տիկինները կամուֆլյաժի մեջ ավելի լավ էին, քան քաղաքացի­ական հագուստով:

Այս մասին գրում է «Հրապարակ» թերթը: