на Русском
Լոս Անջելեսի հայ մասնագետների թիմը պատրաստ է ... 
Մանասյանն ընդունել է Equal Right Trust հիմնադ... 
«Ով շատ ձայն բերի, նա կանցնի». «Հրապարակ»
«Հրապարակ» թերթը գրում է.
«Չնայած այս ընտրություններն անցկացվելու են համամասնական ընտրակարգով, այսինքն՝ ռեյտինգային թեկնածուներ չեն լինելու, բայց կուսակցությունները «ռեյտինգային» մեթոդաբանությամբ են մասնակցելու։ Ոմանք ցուցակները հենց այդ սկզբունքով են կազմել՝ ձայն բերողները հաղթել են քաղաքական դեմքերին։ Առաջ է քաշվել «ով շատ ձայն բերի, նա կանցնի» սկզբունքը։
Որոշ կուսակցություններ երկիրը բաժանել են ընտրատարածքների ու բաշխել թեկնածուների միջեւ՝ ով խոստացած ձայները կբերի իր տարածքից, նա էլ մանդատ կստանա։
Այդպես են վարվել, օրինակ, ԲՀԿ-ում, որտեղ ցուցակի առաջին տասնյակում են հայտնվել Քաջիկ Գեւորգյանն ու Հրանտ Դավթյանը՝ երկուսն էլ Արմավիրի մարզից։ Նրանցից ԱԺ կանցնի ամենաշատ ձայն բերողը։ Քաջիկ Գեւորգյանը, ի դեպ, հայտնի ՀՀԿ-ական Նովոյի՝ Նահապետ Գեւորգյանի որդին է, ով 2018-ին էլ է ԲՀԿ ցուցակով անցել ԱԺ։
Պարտված թեկնածուն «ջենթլմենաբար» դիմում կգրի եւ կհրաժարվի մանդատից։ Ըստ երեւույթին, դիմումները ոմանք արդեն գրել են՝ բաց ամսաթվով»:
Առավել մանրամասն՝ թերթի այսօրվա համարում:
