Ջո Բայդենը հաջորդ ամիս Մեծ Բրիտանիա կատարելիք այցի ժամանակ կհանդիպի Էլիզաբեթ 2-րդին․ CNN

ԱՄՆ-ի նախագահ Ջո Բայդենը հաջորդ ամիս Մեծ Բրիտանիա կատարելիք այցի ժամանակ կհանդիպի Էլիզաբեթ 2-րդին, ամերիկացի պաշտոնյային հղումով հայտնում է CNN-ը։

Նշվում է, որ Մեծ Բրիտանիա Բայդենի այցի հիմնական նպատակը հունիսի 11-ին Քորնուոլում կայանալիք G7-ի («Մեծ յոթնյակ») երկրների առաջնորդների գագաթնաժողովին մասնակցելն է։

Սպասվում է, որ նախքան հունիսի 14-ին ՆԱՏՕ-ի գագաթնաժողովին մասնակցելու համար Բրյուսել ուղևորվելը, Բայդենը կնոջ՝ Ջիլ Բայդենի հետ կհանդիպի Մեծ Բրիտանիայի միապետ Էլիզաբեթ 2-րդին։

CNN-ի աղբյուրի խոսքով՝ Սպիտակ տունը և Բուքինգհեմյան պալատը հանդիպման մանրամասների մասին «կհայտնեն առաջիկա օրերին»։

95-ամյա Էլիզաբեթ 2-րդն իր գահակալության տարիներին հանդիպել է ԱՄՆ-ի 12 նախագահների հետ։