Ադրբեջանցիների հիմնական թիրախը «Մեղրիի միջանցքն» է լինելու․ Մեղրիի քաղաքապետ. «Իրավունք»

«Վերաքննիչ քրեական դատարանը երեկ մերժեց դատախազի բողոքը՝ ուժի մեջ թողելով Մխիթար Զաքարյանի կալանավորումը մերժելու առաջին ատյանի դատարանի որոշումը: Ու տեղին է հիշեցնել, որ 44-օրյա պատերազմին մասնակցած և վիրավորված Զաքարյանին փորձում են դատել այդ պատերազմի համար պատասխանատու դասալիքները:

Լուրջ քննարկումների առարկա է դարձել տարած­վող լուրն այն մասին, որ ԱՄՆ դեսպանի՝ Մեղրիի այցի նպատակն այնտեղ ԱՄՆ հյուպատոսարան ստեղծելն էր: Այս, ինչպես նաև սահմանային իրավի­ճակի, Մեղրիի հնարավոր միջանցքի շուրջ զրուցել ենք Մեղրիի քաղաքապետ Մխիթար Զաքարյանի հետ, որը կտրականապես հերքեց տարածված տեղե­կությունը։

-Պաշտոնապես հայ­տարարում եմ, չկա նման բան, անգամ խոսակցություն, ակ­նարկ չի եղել: Եղել է սովո­րական դեսպանի այց, նման քննարկումները բացարձակ առարկայազուրկ են:

- Իսկ ի՞նչ հարցեր են քննարկվել:

- Ընդամենը մեկ ժամ է եղել քաղաքապետարանում, քաղաքին վերաբերող սովորական հարցեր ենք քննարկել:

- Պարո՛ն Զաքարյան, «Մեղրիի միջանցքի» մասին խոսակցություն­ները գնալով մտահոգիչ են դառ­նում:

- Ես միշտ էլ մտածել եմ, որ Շուռնուխի ու մյուս հատվածների թեմաները փոքր հարցեր են ադր­բեջանցիների համար, նրանց հիմ­նական թիրախը «Մեղրիի մի­ջանցքն» է լինելու:

- Ու ի՞նչ եք կարծում, հնարա­վո՞ր է, որ իրականություն դառնա «Մեղրիի միջանցք» ասվածը:

- Դա մեր անկախության վերջը կլինի: Առաջ ասում էի՝ վերջի սկիզբն է, բայց հիմա ասում եմ՝ իս­կականից վերջը: Չնայած, կանխատեսելի էր, էսպես ապաշնորհ ու դասալիքների կառավարության պարագայում այլ բան սպասելի էլ չէր:

- Ի՞նչ իրավիճակ է այս պահին Սյունիքում, որտե՞ղ են տեղակայ­ված ադրբեջանցի զինվորական­ները:

- Ըստ էության, խախտված է Հայաստանի Հանրապետության պետական սահմանը, ոչ թե Սյունի­քի կամ որևէ համայնքի սահման, և պետք է դրա արձագանքները լի­նեին պետական մասշտաբով: Ճիշտ է, այս կառավարության պա­րագայում դա համարյա անհնար է, որ ադեկվատ պատասխան լինի, բայց պետք է աշխատանք տարվի այդ ուղղությամբ, ոչ թե ջոկատ ստեղծել, տեղի ուժերով պայքա­րել: Մենք պետք է պահանջենք, որ կառավարությունը, մեր Զինված ուժերը համապատասխան միջոցներ ձեռնարկեն: Իհարկե, էդ կոն­տեքստում ամենամեծ օգնականն ու առաջին թևն ու թիկունքը մենք պետք է լինենք, բայց կանոնակար­գումը պետք է լինի բանակից»,-գրում է թերթը։

Նյութն ամբողջությամբ կարդացեք թերթի այսօրվա համարում։