ՀՀ-ն այնպիսի «հզոր» ղեկավար ունի, որ, ճիշտ է, ավելի քան 10 օր չի կարողանում թշնամու 250 զինվորի հեռացնել ՀՀ պետական տարածքից, բայց մեզ համար 100 տոկոսով շահեկան փաստաթուղթ է ստորագրում. «Հրապարակ»

«Հրապարակ» թերթը գրում է.

«Սթափ մտածող ու գիտակից հայաստանցիները կորցրել են քունն ու հոգեկան հանգիստն այն բանից հետո, երբ Փաշինյանը խոստովանեց. «....Ես այդ թուղթը ստորագրելու եմ, որովհետև դա 100 տոկոսով համապատասխանում է Հա­յաստանի ազգային շահերին»: Ու քա­նի որ Փաշինյանի խոսքերն ու գործերը հակադարձ համեմատական են իրար, ապա կարելի է համոզված լինել, որ եթե նա ասում է, որ «այդ լուծումները 100 տոկոսով համապատասխանում են Հայաստանի շահերին, ոչ թե 99,9 տոկոսով, այլ 100 տոկոսով», ապա այդ փաստաթուղթը Հայաստանի հարյուր տոկոսով կործանման մասին է. Փա­շինյանը հերթական աղետն է նախա­պատրաստում մեզ համար: Իսկ այդ փաստաթղթի գոյության մասին նա խոսեց ու խոստովանեց միայն այն բա­նից հետո, երբ Միքայել Մինասյանը հրապարակեց այն և գաղտնազերծեց Փաշինյանի պետական գաղտնի քայլե­րը, գործարքները, որոնք նա իրակա­նացնում է հասարակության թիկունքում, և որի մասին տեղյակ չէ անգամ ՀՀ ԱԳՆ-ն:

Թշնամական հարաբերություններ ունեցող և պատերազմող երկու երկրների միջև հնարավոր չէ, որ վավերացվի այնպիսի փաստաթուղթ, որը հարյուր տոկոսով շահեկան լինի մի կողմի հա­մար, այն էլ՝ պատերազմում պարտված կողմի: Այդ դեպքում կընդդիմանա երկրորդ կողմը: Այդ երկրների շահերը խիստ հակասում են իրար, եթե այն շա­հեկան է մի կողմի համար, ապա խիստ ոչ շահեկան է մյուս կողմի համար, եթե ստորագրվելիք փաստաթուղթը հարյուր տոկոսով շահեկան է Հայաստանի հա­մար, ապա այն հարյուր տոկոսով հա­կասում է Ադրբեջանի շահերին: Սա տարրական տրամաբանություն է: Բայց բանից պարզվում է, որ Հայաստանի ղեկին վերջապես ունենք մի «հզոր» ղեկավար, որն ունակ է թշնամի երկրի հետ այնպիսի՛ բանակցություններ վա­րել, որ հենց այդպիսի փաստաթուղթ ստորագրի... ճիշտ է՝ շուրջ 10 օր չի կարողանում 250 զինվորի հեռացնել ՀՀ պետական տարածքից, բայց այնքան հզոր է, որ մեզ համար շահեկան փաստաթուղթ է ստորագրում:

Փաստո­րեն ստացվում է, որ երբ Ադրբեջանի նախագահ Ալիևը մատ է թափ տալիս Հայաստանի վրա ու ասում է, որ գալու է «Էրիվան, Զանգեզուր, Սևան», ապա դա ասում է Հայաստանի շահերից ելնե­լով: Երբ ադրբեջանցի դիվերսանտնե­րը գալիս մտնում են ՀՀ ինքնիշխան տարածք, զինաթափում ու ծեծում մեր զինվորականներին, դա էլ են անում մեր երկրի շահերից ելնելով, Սյունիքի մարզ մտած հազար ադրբեջանցիները եկել են, որ Հայաստանի համար լավ լինի:

Մի խոսքով՝ Ալիևն ու Փաշինյանն ամեն ինչ անում են ի նպաստ Հայաստանի: Իսկ մենք՝ «անշնորհակալներս», բողոքում ենք, դուրս ենք գալիս փողոց, պայքա­րում ենք, Հայաստանի «ամենահայանպաստ» ղեկավարին «դավաճան» ենք անվանում, մերժում ենք, թե բա՝ չենք ուզում, որ հայաստանանպաստ թուղթ ստորագրվի...»,-գրում է թերթը։

Նյութն ամբողջությամբ կարդացեք թերթի այսօրվա համարում։