Էրդողանը կհանդիպի ամերիկյան ընկերությունների ղեկավարներին Բայդենի հետ հանդիպման նախօրեին իրավիճակը հասկանալու համար

Թուրքիայի նախագահ Թայիփ Էրդողանն այս շաբաթ կհանդիպի շուրջ 20 ամերիկյան խոշոր ընկերությունների ղեկավարների հետ Թուրքիայում ներդրումների հարցերը քննարկելու համար, հաղորդում է Reuters-ը՝ հղում անելով երեք աղբյուրին, որոնցից մեկն ասել է, որ դա կդառնա հունիսին ԱՄՆ նախագահ Ջո Բայդենի հետ կայանալիք հանդիպման «նախերգանքը»:

Մայիսի 26-ի մամուլի ասուլիսին քաջատեղյակ աղբյուրները հայտնել են, որ այն կկազմակերպվի ԱՄՆ Առեւտրի պալատի, Թուրքիայի նախագահի ներդրումային գրասենյակի, Թուրքիայի դեսապանատան եւ Թուրքիայի Պալատների եւ առեւտրային բորսաների միության կողմից:

Այն կազմակերպվել էր Բրյուսելում ՆԱՏՕ-ի գագաթնաժողովի շրջանակում Բայդենի եւ Էրդողանի՝ հունիսի 14-ին կայանալիք հանդիպման նախօրեին:

Դեռեւս հայտնի չէ՝ որ ընկերությունները կմասնակցեն այդ միջացառմանը:

«Դա ամերիկյան ընկերությունների հետ հարաբերությունները ստուգելու ձեւ է, ինքնատիպ նախնական աշխատանք նախքան Բայդենի հետ անձնական հանդիպումը»,-ասել է աղբյուրը:

Նրա խոսքով՝ Անկարան ցանկանում է, որպեսզի ներքին եւ միջազգային լսարանը ստանա հաղորդագրություն, որում ասվում է, որ Թուրքիան կարեւոր գործընկեր է:

Մեկ ուրիշ աղբյուրի խոսքով՝ ասուլիսին կմասնակցեն Microsoft-ի եւ Netflix-ի ղեկավարները:

ԱՄՆ Առեւտրի պալատի մամուլի քարտուղարը հայտնել է, որ այդ հանդիպումը փակ ձեւաչափով է անցկացվելու, քանի որ չեն կարող ներկայացնել ինչ-որ մանրամասներ:

Բայդենը հեռավորություն է պահպանել Էրդողանից պաշտոնը զբաղեցնելու առաջին օրվանից, եւ, ի տարբերություն նախորդ նախագահ Դոնալդ Թրամփի, նրա վարչախումբը քննադատել է իրավիճակը Անկարայում մարդու իրավունքների առնչությամբ:

Առաջնորդներն անցկացրել են միայն մեկ հեռախոսազրույց՝ ապրիլի 23-ին, երբ նշանակվել էր ՆԱՏՕ-ի հանդիպումը եւ երբ Բայդենը հայտնել էր Էրդողանին, որ ճանաչում է Հայոց ցեղասպանությունը: