Բայդենն աշխարհին առաջարկել է «հրաժարվել» իրանական նավթից

ԱՄՆ վարչակազմը կարծում է, որ համաշխարհային շուկաներում նավթի մատակարարման ծավալը հնարավորություն է տալիս կրճատել այլ երկրների կողմից Իրանից նավթի գնման ծավալները:

Այս մասին ասվում է ԱՄՆ նախագահ Ջո Բայդենի ստորագրած հուշագրում, որը հրապարակել է Սպիտակ տան մամուլի ծառայությունը:

«Իրանից բացի կան այլ երկրներ, որոնք ապահովում են նավթի և նավթամթերքի բավարար մատակարարում, ինչը հնարավորություն է տալիս Իրանից գնված նավթի և նավթամթերքների ծավալի զգալի կրճատում թույլ տալ»,- ասվում է ԱՄՆ պետքարտուղար Էնթոնի Բլինկենին, ֆինանսների նախարար Ջանեթ Յելենին և էներգետիկայի նախարար Ջենիֆեր Գրանհոլմին հղված հուշագրում: Դրանում նաև նշվում է, որ ԱՄՆ ղեկավարը շարունակելու է ուշադիր հետևել այս իրավիճակին:

Հիշեցնենք՝ Վաշինգտոնի «պատժամիջոցային» ռեժիմը նախագահից պահանջում է պարբերաբար քննարկել, թե արդյոք Միացյալ Նահանգները պետք է շարունակի այնպես անել, որ այլ երկրները հրաժարվեն իրանական նավթ գնելուց, կամ արդյոք կարող է բացառություն կիրառվել համաշխարհային էներգետիկ շուկայում ստեղծված իրավիճակի պատճառով: