Դրեյքը բասկետբոլային թիմի անդամներից յուրաքանչյուրին հաղթանակի կապակցությամբ 50 000 դոլար արժողությամբ մատանի է նվիրել (լուսանկարներ)

Կանադացի հայտնի ռեփ կատարող Դրեյքը հայտնի է իր առատաձեռնությամբ. նա համաշխարհային ճանաչում և երկրպագուների մեծ բանակ է ձեռք բերել ոչ միայն տաղանդի, այլև բարեգործական արշավների շնորհիվ:

Ինչպես գրում է Luxury Launches-ը, երաժիշտը բասկետբոլային լիգայում իր Rec League թիմի հաղթանակը նշելու նպատակով խաղացողներից յուրաքանչյուրին նվիրել է ադամանդյա մատանի: Հատկանշական է, որ դրանցից յուրաքանչյուրը գնահատվում է մոտ 50 000 դոլար և ստեղծվել է հանրահայտ Jason of Beverly Hills բրենդի կողմից:

Աղբյուրը նկատում է, որ այս մատանիները կշռում են մոտ 20 կարատ և զարդարված են անթերի ադամանդներով:

Հայտնի է, որ ավելի վաղ Դրեյքը զգալի գումարներ է ծախսել Մայամիում ուսանողներին, դպրոցներին, ապաստարաններին և նույնիսկ սուպերմարկետներին օգնելու համար: