«Ուտելու ցանկությունը մեծ է, բայց լավ կազմվածք ունենալու ցանկությունը՝ ավելի մեծ». Լիլուն՝ սպորտային կերպարում

Նախորդ տարվա նոյեմբերին Լիլուն երկրորդ անգամ մայր է դարձել․ լույս աշխարհ է եկել նրա դուստրը, որին երգչուհին ու ամուսինը տվել են Մարիա անունը։ Վերջին շրջանում երգչուհուն հաջողվել է նկատելիորեն նիհարել, եւ նոր հրապարակված լուսանկարներում Լիլուն ցույց է տվել արդյունքը։

Երգչուհին կրել է սպորտային շորտ ու տոպ։ Նա արձակել է մազերն ու արտահայտիչ դիմահարդարմամբ է։ «Ուտելու ցանկությունը մեծ է, բայց լավ կազմվածք ունենալու ցանկությունը՝ ավելի մեծ։ Լա՞վ եմ ոգեշնչում։ Հա, մի հատ էլ ասեմ՝ չեմ ուտում հաց եւ քաղցրավենիք»,- գրել է նա։

Ավելի վաղ հրապարակված կադրերում Լիլուն պատկերված էր ամուսնու հետ։ Զույգը մեղմ գրկախառնված էր։ Երեկոյի համար երիտասարդ մայրիկը սեւ զգեստ էր ընտրել, որը համադրել էր բարձրակրունկների հետ։ «Անցած գիշերը։ Այստեղ հազվադեպ է լինում, որ մարդ չշտապի ու հանգիստ վայելի իր օրը։ Սա այդ օրերից էր»,- գրել էր նա։