Նեդվեդ. Պիրլոն ու Ռոնալդուն անկասկած կմնան «Յուվենտուսում»

«Յուվենտուսի» փոխնախագահ Պավել Նեդվեդը խոսել է թիմի գլխավոր մարզիչ Անդրեա Պիրլոյի եւ պորտուգալացի հարձակվող Կրիշտիանու Ռոնալդուի մասին։

«Մեր թիմը հիմա ունի որոշակի դժվարություններ, ինչը նորմալ է։ Մենք կպայքարենք մինչեւ վերջին տուրը։ Պիրլոն եւ Ռոնալդուն անկասկած կմնան մեր ակումբում»,– Նեդվեդի խոսքը մեջբերում է Sport Mediaset–ը։

Իտալիայի առաջնության 35–րդ տուրում «Յուվենտուսը» Թուրինում 0։3 հաշվով պարտվել է «Միլանին», որը 72 միավորով երրորդ տեղում է, «Յուվենտուսը» 5–րդն է՝ 69 միավոր։ Առաջնության ավարտին մնացել է երեք տուր։ Չեմպիոնի կոչումն արդեն ապահովել է Միլանի «Ինտերը»՝ 85 միավոր։