Զիդանը գոհ է «Ռեալի» խաղից

Մադրիդի «Ռեալի» գլխավոր մարզիչ Զինեդին Զիդանը մեկնաբանել է «Սևիլիայի» հետ ոչ ոքին (2:2) Իսպանիայի առաջնության 35-րդ տուրի խաղում:

«Ես գոհ եմ, թե ինչպես այսօր խաղաց «Ռեալը»: Մենք ավելիի էինք արժանի, քան ոչ ոքին: Տղաները շատ դիտարժան երկրորդ խաղակես նվիրեցին մեզ: Այո, մեզ ժամանակ էր հարկավոր, որպեսզի մտնեինք խաղի մեջ, սակայն կրկնեմ՝ երկրորդ խաղակեսը շատ-շատ լավն էր»,- ֆրանսիացի մասնագետի խոսքը մեջբերում է ակումբի մամուլի ծառայությունը:

Հիշեցնենք, որ հաղթանակի դեպքում Արքայական ակումբն առաջնության ավարտից 3 տուր առաջ կդառնար առաջատար: Այդ ոչ ոքիից հետո «Ռեալը» 75 միավորով հավասարվեց կատալոնական «Բարսելոնային» և երկրորդն է։ Առաջատարը Մադրիդի «Աթլետիկոն» է, որն ունի 77 միավոր։