Այսօր Ռուբեն Մաթևոսյանի ծննդյան օրն է

Այսօր ՀՀ ժողովրդական արտիստ Ռուբեն Մաթևոսյանի ծննդյան օրն է: Ռուբեն Մաթևոսյանը ծնվել է 1942 թվականի հունվարի 12-ին: Մեծանուն երգչի ձայնը հնչել է աշխարհի շատ ու շատ բեմերում: Նա կատարել է աշուղական ու գուսանական երգեր:

Ռուբեն Մաթևոսյանը կատարել է Ստեփան Ջրբաշյանի, Վաղարշակ Կոտոյանի, Գրիգոր Հախինյանի, Խաչատուր Ավետիսյանի,  Ալեքսեյ Հեքիմյանի, Արամ Մերանգուլյանի, Վլադիլեն Բալյանի ստեղծագործությունները: 

Ժողովրդական արտիստն իրեն հատուկ ու տարբերվող ձայնով կատարել է «Հորովել», «Ձախորդ օրերը», «Պարտեզում վարդ էր բացված», «Դուն իմ մուսան ես», «Չքնաղ երազ», «Բարի  արագիլ» և շատ այլ երգեր: 

Operativ.am-ը միանում է բոլոր շնորհավորանքներին և երգչին մաղթում երկար տարիների կյանք: