Ռոնալդուի դուբլը կամային հաղթանակ բերեց «Յուվենտուսին» (տեսանյութ)

9 տարի անց առանց Իտալիայի չեմպիոնի տիտղոսի մնացած Թուրինի «Յուվենտուսն» A Սերիայի 34-րդ տուրում հյուրընկալվելիս 2:1 հաշվով դժվարին հաղթանակ տարավ «Ուդինեզեի» նկատմամբ:

Մինչև 83-րդ րոպեն դաշտի տերերը հաշվի մեջ առջևում էին արգենտինացի պաշտպան Նաուել Մոլինայի գոլի շնորհիվ, սակայն վերջնամասում Կրիշտիանու Ռոնալդուն դարձավ դուբլի հեղինակ և հաղթանակ բերեց «Յուվենտուսին»: Պորտուգալացի հարձակվողն աչքի ընկավ 83-րդ և 90-րդ րոպեներին և 27 գոլով միանձնյա գլխավորում է ռմբարկուների ցուցակը:

Այս հաղթանակից հետո «Յուվենտուսը» հավաքեց 69 միավոր և հավասարվեց 2-3-րդ տեղերը բաժանող «Միլանին» ու «Ատալանտային»: «Ուդինեզեն» 39 միավորով 11-րդն է:

Հիշեցնենք, որ այս տուրի արդյունքում Միլանի «Ինտերը» ժամանակից շուտ նվաճել էր Իտալիայի չեմպիոնի տիտղոսը: Անտոնիո Կոնտեի գլխավորած թիմն ունի 82 միավոր և առաջնության ավարտից 4 տուր առաջ 13-ական միավոր առաջ է 2-3-րդ տեղերը բաժանող «Միլանից» ու «Ատալանտայից»:

Իտալիայի առաջնություն, 34-րդ տուր

«Ուդինեզե» - «Յուվենտուս»՝ 1:2 (տեսանյութ)

Նաուել Մոլինա, 10 – Կրիշտիանու Ռոնալդու, 83, 90