Քիմ Քարդաշյանը կտրուկ ոճափոխության է դիմել և զարմացրել երկրպագուներին

Keeping Up With the Kardashians իրապատում շոուի հայազգի աստղ Քիմ Քարդաշյանն իր ինստագրամյան էջում նոր լուսանկարներ է հրապարակել՝ ցուցադրելով արտաքինում կտրուկ ոճափոխությունը` գունաթափած հոնքերը և շեկ վարսերը, գրում է Daily Mail-ը։

«Իսկապես գեղեցիկ են ստացվել իմ գունաթափված հոնքերը: Ինձ դուր է գալիս։ Չեմ համբերում՝ երբ եմ ձեզ ցույց տալու վերջնական արդյունքը»,- հրապարակումներից մեկին կից գրել է Քարդաշյանը։

Վերոնշյալ հրապարակումից 10 րոպե անց Քարդաշյանը նոր հրապարակում է արել գունաթափված հոնքերով և դեղին վարսերով` կից գրելով, որ մտահոգվելու կարիք չկա, քանի որ «փորձարկումներից հետո կրկին թխահեր է դարձել»։

Պարբերականը նշել է, որ Քարդաշյանը ռեփ կատարող Քանյե Ուեսթի հետ ամուսնալուծության ֆոնին անդադար համարձակ քայլերի է դիմում:

Ինչպես ավելի վաղ տեղեկացրել էր Tert.am-ը, ներկայում Քարդաշյանը փորձում է ամուսնալուծության այնպիսի լուծում գտնել, որը լավագույնը կլինի ընտանիքի անդամների համար: Ամուսնալուծության հարցով Քիմ Քարդաշյանի փաստաբանական խումբը գլխավորում է հայտնի փաստաբան Լորա Ուասսերը:

Հիշեցնենք որ, Քիմ Քարդաշյանն ու ռեփեր Քանյե Ուեսթն ամուսնացել էին 2013 թվականին և ունեն 4 երեխա։