Մալխաս Ամոյանի շնորհակալությունը (Տեսանյութ)

2018թ. աշխարհի ու 2019թ. Եվրոպայի երիտասարդական չեմպիոն Մալխաս Ամոյանը (72 կգ) Լեհաստանի մայրաքաղաք Վարշավայում ավարտված հունահռոմեական ըմբշամարտի Եվրոպայի առաջնությունում արծաթե մեդալակիր դառնալուց հետո գրառում է կատարել սոցցանցերում:

«Նախևառաջ ես իմ երախտագիտությունն եմ հայտնում Աստուծ այն ամենի համար, ինչ նա ինձ տվեց, և ուզում եմ նաև մեծ շնորհակալություն հայտնել բոլոր այն մարդկանց, ովքեր աջակցում են, անհանգստացած են ինձ համար և հավատում են ինձ»,- Ինստագրամում գրել է 22-ամյա ըմբիշը:

Հիշեցնենք, որ 3 հաղթանակ տանելուց հետո Ամոյանը դուրս էր եկել եզրափակիչ, որտեղ 1:4 հաշվով պարտվեց Ռիո-2016 Օլիմպիական խաղերի բրոնզե մեդալակիր, վրացի Շմագի Բոլկվաձեին: Այս տարվա փետրվարին Ամոյանը վրացի ըմբիշին 9:1 հաշվով հաղթել էր Կիևի մրցաշարի եզրափակիչում։

Հունահռոմեական ըմբշամարտի Հայաստանի հավաքականը ԵԱ-ում ելույթն ավարտեց մեկ արծաթե և 2 բրոնզե մեդալով: Բրոնզե մեդալակիր դարձան Ռուդիկ Մկրտչյանը (55 կգ) և Սլավիկ Գալստայանը (67 կգ):

Լուսանկարը և գրառումը ՝ այստեղ: