«Եռյակ»․ Քիմ Քարդաշյանը հրապարակել է կրտսեր դստեր և նրա զարմուհիների լուսանկարները

Keeping Up With the Kardashians իրապատում շոուի հայազգի աստղ Քիմ Քարդաշյանը Instagram-ում հրապարակել է իր կրտսեր դստեր՝ 3-ամյա Չիկագոյի և նրա զարմուհիների՝ 3-ամյա Թրու Թոմփսոնի և 3-ամյա Սթորմի Ուեբսթերի լուսանկարները։

Լուսանկարներից մեկում, որոնք արվել են շաբաթեր առաջ՝ Զատկի տոնին, ժպտադեմ եռյակը կեցվածք է ընդունել տեսախցիկի առջև։ Մյուս լուսանկարում նրանք հավաքում են հատակին թափված կոնֆետները։

«Եռյակ»,- լուսանկարներին կից գրել է Քարդաշյանը։

Հրապարակումը 45 րոպեում հավանել է 1,2 մլն մարդ․ ընտանիքի երկրպագուները զարմուհիների հասցեին հիացական մեկնաբանություններ են գրել։